Дошол да го одбрани брат му: МВР со детали за вчерашното убиство кај Матка

Министерството за внатрешни работи денеска сподели со јавноста подетални информации за убиството што вчера околу 15,00 часот се случило на ул.„1“ пред браната-Долна Матка и раскрсницата со споредниот пат кој води на долниот паркинг.

До несреќата дошло откако настанала меѓусебна расправија помеѓу лицата: А.Е. (18), Џ.С. (18) и уште едно лице на возраст од 16 години сите од с.Шишево, од една страна и од друга страна 16-годишен малолетник од с.Сарај-скопско, по што истиот бил физички нападнат.

За кратко време со скутер дошол неговиот брат, кој бил на иста возраст, и тогаш настанала меѓусебна тепачка.

Во еден момент А.Е. извадил нож со кој замавнал и го повредил малолетникот нанесувајќи му посекотина во пределот на левата страна на градите. Потоа А.Е. со ножот го прободел и неговиот брат, во пределот на десната страна на градниот кош, при што истиот паднал на асфалтот и починал.

Од екипа на Итната медицинска помош била онстатирана смрт. Увид на местото на настанот извршиле увидна екипа од СВР-Скопје и Јвен обвините, по чија наредба телото на починатиот е пренесено во Институтот за Судска медицина за обдукција.

Во Полициската станица во Ѓорче Петров приведен е Е.А. за понатамошна постапка.

Се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.