Уредно поткастрени мустачиња налик оние на турскиот претседател Реџеп Таип Ердоган се многу популарни меѓу министрите од неговата Партија за правда и развој.
Сличен имиџ имаат и министерот за култура, за економија, надворешни работи, како и премиерот Бинали Јилдирим.
Традиционално, мустаќите во Турција се сметаат за симбол на машкоста, но во поново време со тоа се истакнува и сериозноста, цврстината во политичките ставови. Националистите, во принцип носат долги мустаќи, во облик на буквата П, додека пак левичарите најчесто имаат дебели густи мустаќи.
– Тоа не е случајност во земјата во која мустаќите и брадата имаат политичка важност. Овој период, кога Турција се бори против терористички организации и посебно периодов по превратот, мустаќите создаваат силна и строга слика – изјави професорот на истанбулскиот Универзитет во Мармара, Месут Сен.
До пред една година половина од министрите беа голобради, а сега само тројца од 27 министри, меѓу кои и една жена, немаат мустаќи и брада.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
