Осумгодишник научил на вози преку интернет и се одвезол на чизбургер во Мекдоналдс!

Осумгодишно момче од американската сојузна држава Охајо го украло автомобилот на татко му и возејќи го возилото стасало до ресторанот за брза храна „Мекдоналдс“ да купи чизбургер, соопштила полицијата.

Момчето ја земалo и својата четиригодишна сестра, а научилo да вози автомобил преку интернет.

Полицискиот службеник Џејкоб Келер рекол за локалната телевизија во Кливленд дека таткото на момчето спиел, а дека мајката задремала на каучот, што детето го искористило да го украде автомобилот. Келер рекол дека очевидци ја повикале полицијата кога ги виделе децата во автомобилот.

Според неговите зборови, момчето возело до ресторанот околу километар и пол, преминувајќи ги крстосницата и пругата, без да предизвика сообраќајна несреќа. Сведоците навеле дека момчето ги почитувало сообраќајните прописи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.