Европските граѓани кои патуваат во и од трети земји сега се предмет на истите проверки како и државјаните на трети земји.
Ваквата одлука на унијата почна да се применува од петокот. Врз основа на истата на границите помеѓу земјите членки на на шенгенскиот простор важат новите шенгенски правила за контола на патниците поради заштита од тероризам.
За разлика од досегашната практика со која беше доволно службениците на граничната полиција да извршат само основна контола на патниците со проверка на нивните патни документи, сега документите освен што ќе се проверуваат во шенгенскиот систем на информации ќе подлежат и на детална контрола во базата на податоци на украдени и изгубени патни документи на Интерпол, пишува Вечер.
Примената на новите правила засега не предизвикала некои големи застои и проблеми на граничните премини помеѓу Македонија и земјите членки на унијата. За време на изминатиот викенд состојбата на граничните премини, особено со Грција каде вообичаено има зголемена фрекфенција, била вообичаена, патниците кои влегле во нашата држава не се пожалиле на поголеми застои и чекања на грчката граница поради новите правила, но не е исклучена можноста тоа да се случи за време на претстојниот празничен викенд кога поради Велигденските празници фрекфенцијата ќе биде значително зголемена. За разлика од граничните премини со Македонија, новата мерка на унијата предизвикала сериозни проблеми во Грција. Според пишувањата на тамошните медиуми новиот режим на контрола предизвикал доцнење на летовите на аеродромот Венизелос, но и на грачните премини со Бугарија и Албанија.
Грчките медиуми го пренесуваат и ставот на здружението на полициските службеници кои информирале дека тие не се во состојба да одговорат на новите стандарди бидејќи немало претходна подготовка за да се избегнат евентуалните проблеми.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
