Коридорот 10 наскоро целосно комплетиран

Предвидено е да има пет мостови и два тунели. Во моментов се врши пробивање на тунелските цевки на првиот тунел, а вкупната должина на тунелот изнесува 1,2 километри.

-Работите на делницата од автопатот Демир Капија-Смоквица се одвиваат одлично и со побрза динамика од предвиденото. Досега беше планирано да бидат завршени 7,9 % од работите, а завршени се над 11 %. Во оваа фаза потрошени се 24 милиони евра, а до крајот на годинава е планирано да бидат потрошени 55 милиони евра. За наредната година исто така е планирано да се потрошат уште 55 милиони евра и уште 60 милиони евра до завршување на проектот, изјави премиерот на Република Македонија, Никола Груевски.

Проектот е  сериозна инвестиција во вкупна вредност од 220 милиони евра. Со завршување на оваа делница ќе биде завршен автопатот од границата со Србија до границата со Грција.

Ова е многу значајна инвестиција во инфраструктурата, изјави Груевски, а додаде дека ова е само еден дел од инвестициите кои се прават во инфраструктурата во Република Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.