Во рамките на спроведувањето на мерките за градење доверба меѓу Грција и Македонија, вчера во Солун се одржа втор круг од политичките консултации меѓу министерствата за надворешни работи на двете земји, соопшти денеска грчкото МНР.
Консултациите ги предводеле политичкиот директор во грчкото Министерство за надворешни работи, амбасадорот Петру Мавроиди и државниот секретар во Министерството за надворешни работи на Република Македонија, Елена Кузмановска.
Како што соопшти грчкото МНР, за време на средбата, двете страни размениле мислења и за состојбите во регионот и го разгледале напредокот забележан во спроведувањето на мерките за градење доверба.
Консултациите се одржале во пријателска и конструктивна атмосфера и било договорено следната рунда разговори да се одржи во Скопје, кон крајот на годинава.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Расистички скандал во Грција: Коментатор нарече црномурест играч „мајмун“
-
Протестна нота за унгарскиот амбасадор во Македонија
-
Нова демократија: Владата се наоѓа во распаѓање поради Договорот од Преспа
-
Воружен инцидент на границата со Грција: Војници на АРМ отвориле оган во обид да спречат поголема група мигранти да влезат на македонска територија!
