Бројноста и решителноста на граѓаните е оружјето со кое се бориме на улиците, истакна еден од организаторите на протестите Борис Дамовски во изјава за ТВ НОВА.
-Основна задача на секој граѓанин на Република Македонија е да присуствува на овие протести. Единствениот функционален дел од оваа држава во моментов се граѓаните кои знаат како беа излажани. Овие денови се клучни со интензивирање на протестите. Ќе продолжат во истата форма, мирни, ненасилни, без кршење, навредување, викање, туку самата бројност и решителност на граѓаните е оружјето со кое се бориме на улиците. Апел до сите да излезат во што поголем број, да зборуваат со што повеќе пријатели , роднини и да ги уверат дека ова е единствениот начин за Македонија да излезе од оваа институционална криза, изјави Дамовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
