Ова не е време за барање правдина, ова е кризно време, време-невреме, истакнаа вечерва граѓаните кои попладнево се собраа на градскиот плоштад „Гоце Делчев“ за да дадат поддршка на иницијативата „За заедничка Македонија“.
– Ова е време на предизвици. Само тој што се плаши за своето семејство, само тој што се плаши за своите деца, само тој што се плаши од разнебидување на Македонија, само тој ќе биде победник. А тоа сте вие, луѓето кои четириесетина дена излегувате на протестите, само вие можете да спречите нова голгота на македонскиот народ, рекоа говорниците.
Порачаа дека Македонците треба да се сплотат, а не да одат еден спроти друг за зачувување на својата држава.
Групата граѓани потоа тргна на мирен марш низ Турското маало до средното земјоделско училиште пренесувајќи ги како и досега пораките за отфрлање на т.н тиранска платформа, заштита на унитарноста, сувереноста на Македонија, нејзиниот идентитет, име, химна и знаме.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
