Европската народна партија (ЕПП) денеска на својот конгрес усвојува резолуција со што едногласно порачува дека идината на Западен Балкан е во Европската унија.
Оваа најголема и највлијателна партија утре, за време на нејзинот пленарен конгрес во Малта треба да усвои резолуција со која ја поддржува евроинтеграцијата на Западен Балкан.
Во нацрт-резолуцијата, во која имал увид Танјуг, се наведува дека перспективата за пристапувањето на Западен Балкан и иднината на земјите од региоот во ЕУ имаат неподелена поддршка од ЕПП.
– Евроинтеграцискиот процес беше најуспешена и најмоќна алатка на Унијата наменета за консолидација на демократските норми и принципи, воспоставуање на функционална економија и достигнување на мир и стабилност.
ЕПП, во текстот ги повикува сите членови на институциите во ЕУ повеќе да се фокусираат на Западен Балкан и да направат конкретни чекори со цел примена на она што е одлучено со Сараевската декларација, која се однесува на создавање заеднички пазар во регионот.
Од друга страна, ЕПП ги повика земјите од Западен Балкан да не ја изгубат мотивацијата и ангажманите што се неопходни за европскиот пристапен процес.
Регионот се повикува да продолжи со реформите, имајќи ја предвид „јасната европска перспектива и силната поддршка на ЕПП“.
Истовремено се инсистира на воздржаност од етнички провокации во регионот, осудувајќи секакво провокативно и агресивно однесување, кое претставува закана за мирот и стабилноста во регионот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
