Здружението на граѓани „За заедничка Македонија“ денеска на градскиот плоштад „Гоце Делчев“ во Струмица организираше акција за бесплатни здравствени прегледи. На штандот, медицински лица на граѓаните им вршеа мерење на телесната тежина, на шеќер во крвта, притисок и им даваа медицински совети.
– Овие бесплатни прегледи имаат за цел да ја подигнат свеста кај граѓаните за да се намали ризикот од појава на одредени заболувања каде што овие фактори имаат големо влијание. Превентивните прегледи се важни за здравјето на луѓето и во спречување на посериозни здравствени последици, рече д-р Марија Иванова.
Здружението „За заедничка Македонија“ минатата сабота организираше акција на собирање книги. Велат дека ќе го менуваат форматот на саботните активности, а од понеделник до петок продолжуваат со мирните протестни маршеви.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
