Руд Ван Нистелрој сосема заслужено го имаше добиено епитетот вистински „убиец“ во противничкиот шеснаесетник, од едноставна причина што легендарниот холандски напаѓач ја претвораше во гол речиси секоја топка која ќе дојдеше до него во опасната зона пред голот.
Ван Нистелрој најголемата слава ја доживеа како член на Манчестер Јунајтед, а во зенитот на кариерата и во најдобрите фудбалски години настапуваше за Реал Мадрид каде исто како на „Олд Трафорд“, налета на спектакуларна генерација предводена од неверојатни фудбалери.
Холанѓанецот во својата кариера имаше можност да соработува со големи фудбалери како Рајан Гигс, Дејвид Бекам, Пол Сколс, Кристијано Роналдо, Раул Гонзалес и многу други, но според него само еден отсконува од сите останати по неверојатниот талент и феноменалните потези.
Во еден промотивен акт на Хајнекен, Ван Нистерлој посочи дека бразилскиот „Ил Феномено“ Роналдо е најдобриот играч со кого заиграл во кариерата, а даде и кратко објаснување за овој избор.
– Со најдобриот играч во кариерата заиграв како член на Реал Мадрид. Роналдо, феноменот од Бразил. Тој е фантастичен играч, со специјални способности и квалитети како никој друг. Прекрасна личност и за мене најдобар на сите времиња, мило ми што заиграв во ист тим со него – вели Руд во своето обраќање.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
