Лани 35 пешаци загинаа по македонските патишта

Во Република Македонија во 2016 година, 35 пешаци го загубиле животот во сообраќајни незгоди, додека 871 лице–пешак биле повредени во сообраќајни незгоди. Од загинатите пешаци,  едно лице  е на возраст до 14 години, три лица на возраст од 25-40 години,  14 лица на возраст од 41-64 години и 17 лица на возраст над 65 години, покажуваат податоците на Републичкиот совет за безбедност на сообраќајот и патиштата.

Според податоците на РСБСП, пешаците страдаат во сообраќајни незгоди поради тоа што кај нив отсуствува чувството на свесност дека и тие се учесници во сообраќајот и дека и за нив важат сообраќајните правила и прописи како и за сите други учесници во сообраќајот. Понатаму лошите навики и ниската сообраќајна култура е важен фактор од кој зависи безбедноста на пешаците во сообраќајот,  но важно е и тоа дека  пешаците најмалку ги познаваат сообраќајните правила и прописи, најмалку се контолирани и најмалку се санкционирани како учесници во сообраќајот.

Од РСБСП потсетуваат на најважните правила и прописи кои возачите треба секогаш да ги практикуваат, односно дека возачот е должен да обрне посебно внимание на пешаците кои се наоѓаат на коловозот или кои започнале да чекорат по коловозот, кога приоѓа кон обележан пешачки премин, возачот е должен да управува со возилото и да вози со таква брзина што овозможува во случај на потреба да го запре возилото пред пешачкиот премин, возачот е должен секогаш да ги препушти пешаците кои стапнале на пешачкиот премин…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.