Протестен марш за унитарна Македонија и против тиранска платформа попладнево се одржа во Пехчево.
– Не смееме да дозволиме некој да си игра со судбината на македонскиот народ, мора цврсто да му кажеме „не“ на Заев и неговите поддржувачи. Нека дојде овде Хан, одовде да го слушне гласот на народот, порача претстедателот на Планинарското друштво „Кадиица“ Марјан Митриновски.
Во име на сите планинари, додаде, даваме збор дека ќе ја одбраниме Македонија, нејзината независност, суверенитет и интегритет и ќе си ги зачуваме нашите симболи, грбот и знамето.
– Јас сум горд што сум Македонец и како планинар, на сите врвови што сум се качувал ова знаме сум го носел и со гордост сум се кажувал Македонец – истакна Митриновски.
Протестниот марш помина мирно низ улиците во центарот на Пехчево. Марш попладнево се одржа и во Берово.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
