Три лица поврзани со нападот врз божиќниот панаѓур во Берлин на крајот на минатата година, се уапсени на аеродромот „Ататурк“ во Истанбул, јави турската приватна телевизија Еи-Ен-Ен Турк.
Министерството за внатрешни работи на Турција соопшти дека тројца уапсени биле во контакт со напаѓачот од Берлин.
Тројцата уапсени на аерордомот „Ататурк“ се идентификувани како Мохамед Али Кан, Јусеф Даруиче и Билал Јусеф Махмуд.
Одговорноста за нападот на 19 декември на божиќниот панаѓур во Берлин, во кој загинаа 12 лица, а десетици беа ранети, ја презеде групацијата Исламска држава.
Извршителот на нападот, Тунижанецот Анис Амри беше убиен во престрелка со италијанската полиција крај автобуска станица во предградие на Милано на 23 декември
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
