„Бидејќи сум дете“-нова книга за деца на Александра Велинова

Во издание на „Едука Мак“ од печат излезе нова илустрирана детска книга со раскази под наслов „Бидејќи сум дете“ од Александра Велинова. После „Најубавите години“, „Од дното на душата“, „Стапки во пустина“ и „Како ги заработив првите пари“, ова е петта нејзина книга, а прва за деца.

-Низ современи раскази и илустрации, чија основна особина е силната компресија на содржините, оваа книга се карактеризира со иновативноста во раскажувањето. Низ различни случки и настани во кои интерактивно учествуваат деца, доловени се различни теми од современиот детски свет, со ненаметлива дидактичка структура. Детето е основниот мотив во сите раскази, како учесник во дејството, но и како читател кој добива соодветна порака за предностите и недостатоците на современата технологија, за здравата храна, за природата, за книгите…пишува Веле Смилевски во реценцијата.

Автор на колор илутрациите е Никола Темков.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.