Трофејот наменет за победникот во УЕФА Супер Купот кој годинава ќе се игра на националната арена „Филип Втори“ во Скопје, а за кој ќе се борат освојувачите на Лигата на шампионите и Лига Европа, денеска љубителите на фудбалот во нашата земја ќе имаат можност да го видат во живо.
Од 9 до 18 часот на платото пред Куќата на фудбалот во Скопје ќе биде изложен трофејот на специјално брендирана поставка и ангажиран официјален фотограф за фотографирање на присутните љубители на фудбалот, децата и екипите учесници во Детската лига на ФФМ.
– Жителите на нашата држава ќе имаат можност да уживаат во уникатна авантура – „сите Македонци да бидат дел од срцето на настанот“ преку изложувањето на УЕФА СУПЕР КУП трофејот, вели Илчо Ѓорѓиоски, претседател на Фудбалската федерација на Македонија.
Натпревраот во УЕФА Супер Купот ќе се игра на 8 август 2017 година во Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
