Милан веќе одбил 100 милиони евра за својот дијамант Донарума

Италијанскиот калчолигаш Милан нема намера да го продаде својот неверојатно талентиран голман Џанлуиџи Донарума ниту за сума од 100 милиони евра. Актуелниот европски првак Реал Мадрид испратил фантастична понуда за 18-годишниот голман на „росонерите“ кој е веќе прогласен за наследник на легендарниот Џанлуиџи Буфон во италијанскиот национален тим.

Донарума има договор до јуни 2018 година со Милан, а раководството на клубот сака тој пред завршувањето на оваа сезона да го продолжи до 2020 година. Понудата е вредна 2,5 милиони евра по сезона, но Реал Мадрид е подготвен да му даде двојно повеќе и да го доведе на „Сантијаго Бернабеу“. Сепак, ниту отштета од 100 милиони евра засега не е дозвола за „росонерите“ да се откажат од својот голмански дијамант. Но, ако не го продолжи договорот, тогаш и опциите на Милан ќе бидат се помали.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.