Реал му нуди 70 милиони на Бејл

Откако ја загубија онаа со Барселона за Нејмар, луѓето во Реал Мадрид очигледно ќе се потрудат да ја добијат битката против Тотенхем, па со намера да ја исполнат желбата на навивачите, ветија дека ќе го ангажираат Герет Бејл најдоцна до 15 јуни. Претседателот на лондонскиот премиерлигаш, Даниел Леви, пред извесно време изјави дека ќе стори сѐ за да го задржи велшкиот фудбалски интернационалец во своите редови.Меѓу другото, првиот човек на „Петлите“ најавуваше неверојатна сума која ќе ја бара за обсештетување, блиска до баснословни 100 милиони евра.

Сепак, мадриѓаните полека, но сигурно се приближуваат до оваа цифра. Последната понуда упатена на адреса на Англичаните гласи 70 милиони евра, пренесува островскиот печат. Наводно, Бејл сериозно размислува за преселба.

Шпанскиот вицешампион е охрабрен од фактот што тој сѐ уште не сака да го продолжи договорот со својот актуелен клуб иако „спарси“ му удат неделна плата од 130 илјади фунти.

Инаку, Велшанецот е прв на списокот на спортскиот директор Зинедин Зидан, додека наводно изборот на Карло Анчелоти, кого медиумите веќе го преселија во Реал, е напаѓачот на Ливерпул, Луис Суарез.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.