Не заборавајте: Денеска е последниот рок за поднесување даночна пријава

Денеска истекува рокот за поднесување годишна даночна пријава за остварени дополнителни приходи во текот на 2016 година. За да се излезе во пресрет на граѓаните кои треба да поднесат годишна даночна пријава и да го испочитуваат рокот даночните шалтери на УЈП денеска ќе работат до 20 часот.

Од УЈП очекуваат годинава да бидат поднесени вкупно 420.000 годишни даночни пријави. Заклучно со 13 март 2017 се поднесени 362.523 годишни даночни пријави. Најмногу пријави се доставени во Скопје 144.066, Штип 62.786, Прилеп 49.085, Битола 45.701, Струмица 32.868 и во Тетово 27.345 годишни даночни пријави.

Годишна даночна пријава имаат обврска да поднесат сите физички лица, резиденти во Република Македонија, кои во текот на 2016 година оствариле приходи по разни основи.

УЈП за поднесување на ГДП отвори и дополнителна канцеларија сместена во зградата на ССМ, а ГДП во Скоје може да се поднесе и во општина Чаир и Регионална дирекција – Скопје. Во Регионалната дирекција – Скопје, пак, може да поднесат ГДП и даночни обврзници кои привремено престојуваат во Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.