Со син спреј се оштетени две паркирани возила вчера во период од еден час.
Настанот во полициската станица во ОН Делчево го пријавила Х.С. (35) од Делчево, која пријавила дека е направено оштетување со спреј во сина боја на автомобилот „опел астра“ со штипски регистарски ознаки, сопственост на Н.С., кое го паркирала на паркинг на ул. „Светозар Марковиќ“.
Полициски службеници излегле на местото на настанот, при што забележале дека покрај наведеното возило, оштетен е и автомобил „опел корса“ со кочански регистарски ознаки, сопственост на Д.Х. (37) од Делчево, а кое било паркирано на истото место.
Оштетувањето било направено од страна на непознат сторител истиот ден во периодот од 18.10 до 19.10 часот. Се преземаат мерки за пронаоѓање на сторителот и за целосно расчистување на случајот.
Фото:архива
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
