Министерот за внатрешни работи на Албанија Саимир Тахири денеска до премиерот Еди Рама ја поднел својата оставка, јавуваат албанските медиуми, дополнувајќи дека подоцна се очекува негова прес-конференција на која ќе ја потврди оваа одлука.
Балкан веб објави дека иако Тахири навел дека одлуката за оставка е само негова, сепак извори од Владата наведуваат дека истата била побарана од страна на Рама, на само три месеци пред одржувањето на парламентарните избори во земјата.
„Ора њуз“ наведува дека в понеделник ќе има и други смени во владиниот кабинет, истакнувајќи ги имињата на Дамиан Ѓикнури и Дитмир Бушати.
Албанските медиуми шпекулираат дека на местото на Тахири ќе дојде Нико Пелеши, кој во моментов е вицепремиер и еден од најблиските соработници на Рама.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
