Реал Мадрид е во паника, откако вчера на адреса на клубот пристигнало писмо со сомнителна содржина. Адресирано е конкретно за претседателот на клубот, Флорентино Перез, а во него имало бел прав. Веднаш се превземени сите мерки, во клубот пристигнал антитерористички одред, заедно со полицијата и противпожарните служби, кои одработиле комплетен протокол како во случај на напад со биолошко оружје.
Стадионот „Сантијаго Бернабеу“ сега е под посебна контрола на полицијата, иако вработените во канцеларијата на Реал Мадрид истакнале дека ова не е првпат и дека досега веќе наколку пати биле во слични ситуации.
Писмото со бел прав е испратено на детална анализа во лабораторија, а резултатите ќе бидат познати по три дена.
Реал Мадрид утревечер на домашен терен го пречекува тимот на Бетис во рамките на Примера.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
