Продолжуваат притисоците, тортурата и прогонот на новинари, медиуми и нивни сопственици, кои последниве три години ги надминаа досега познатите методи не само кај нас, туку и пошироко. Монструозните методи со кои СДСМ се служи за да ги замолчи медиумите скривајќи се зад превезот на слобода на медиумите не донесоа слобода на медиумите, туку лоши оценки за слобода на медиумите.
Последниве три години СДСМ се изживува врз медиумите, така што се тепаат новинари, се демолираат редакции, се упатуваат јавни закани кон уредници, новинарите секојдневно се соочуваат со тужби од политичари.
Од пред една година во овие методи на СДСМ инструмент стана СЈО и тоа веќе е нескриено. Штом СДСМ ќе ги посочи и ќе ги објави политичките противници, СЈО веднаш настапува со напад врз нив.
Сега кога СДСМ се обидува да формира влада без мандат, притисоците од СДСМ и СЈО врз медиумите и новинарите кои не се под нивна контрола – кулминира.
СЈО во исто време прави упад во сите медиуми и редакции на медиуми кои се критички настроени кон СДСМ. Кривичниот совет на Основниот суд 1 Скопје определува притвор за сопственик на медиум по барање на СЈО.
МАН го осудува ваквото однесување на СДСМ и нивните соработници од СЈО и уште еднаш ја потсетува јавноста на нивните дела.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
