Обрадовиќ: Ноле не е оној стариот, ако му е потребна помош, тука сум!

Богдан Обрадовиќ, некогашниот селектор на Дејвис Куп селекцијата на Србија за српските медиуми откри дека на Ноле под итно му е потребна помош, а тој е подготвен да ја пружи доколу тенискиот ас ја побара.

– Мора да се направи длабока и детална анализа. Бидејќи Ѓоковиќ е сам свој господар знае што најмногу му е потребно, а јас сум подготвен да му помогнам. Дефинитивно Ноле не е оној истиот од минатата сезона, неговата игра е бавна, кондициски е многу паднат, а се чувствува дека и мотивацијата не му е на потребно ниво, па затоа сметам дека под итно му е потребна помош. Често ми се лутеше кога директно ќе го критикував, но јас секогаш му посакував сè најдобро, и тој знае колкава е мојата љубов кон него – изјави Обрадовиќ.

Ѓоковиќ новата сезона ја започна со триумф над Мареј во финалето во Доха и се очекуваше дека лошиот крај од минатата сезона е веќе минато, но во Австралија Опен беше поразен во второто коло, а вчера во Акапулко беше надигран од Ник Кирјиос.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.