Гол-шоу во второто полувреме: Реал се врати по два гола негатива и го порази Вилјареал

По поразот од Валенсија во средата, Реал Мадрид повторно се најде во незавидна ситуација откако вечерва по еден час игра губеше со 2-0 на гостувањето кај Вилјареал. Сепак „Кралевите“ направија неверојатен камбек, постигнаа три гола и свртеа мечот во своја полза за конечни 2-3.

По мирниот прв дел никој не очекуваше бура во второто полувреме, но токму тоа се случи на Ел Мадригал. Со головите на Тригерос и Бакамбу, Вилјареал поведе со 2-0, во тие моменти се чинеше дека Реал Мадрид е пред уште еден пораз.

Но, „Кралевите“ одговорија кога најмногу требаше. Најпрво Бејл во 64. минута намали на 2-1, а десет минути подоцна Кристијано Роналдо од пенал изедначи на 2-2. Во 83. минута нововлезениот Алваро Мората реализираше за комплетен пресврт и победа на Реал Мадрид од 2-3.

Три бода со кои остануваат на чело на табелата во Примера, позиција која денеска за момент ја презеде Барселона.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.