Џорџ и Амал Клуни ќе станат родители на близначиња. Во една француска емисија, Клуни (55) за првпат зборуваше за својата идна голема улога како татко.
Холивудскиот шармер изјави дека тој и неговата сопруга Амал се многу возбудени што ќе добијат две деца.
– Ние сме многу среќни и возбудени. Ќе биде авантура. Го прифативме тоа со широко отворени раце, вели славниот актер.
Клуни признава дека омилениот дел му бил кога неговите пријатели дознале за среќната вест.
– Седевме на маса осум мажи, на кои сите деца веќе им се на факултет, и сите ме поддржуваа, велејќи ми: „Одлично е, ќе го обожаваш“. Одеднаш се стишија и започнаа да имитираат бебешки плач и сите на масата започнаа гласно да се смеат, додава Џорџ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.