Денеска во Македонија по посвежото и понекаде магловито утро, во претпладневните часови ќе биде умерено облачно со сончеви периоди, а во источните и југоисточните предели претежно сончево. Попладне ќе има намалување на облачноста и претежно сончево време со локална облачност насекаде. Ќе дува доумерен северозападен и западен ветер. Утринските температури се движат од -4 до 3 степени, додека пак максималните дневни ќе достигнат до 3 односно до 13 степени.
Во Скопје во утринските часови појава на слаба магла, а во текот на денот ќе биде претежно сончево со локална облачност. Ќе дува слаб северозападен ветер. Утринската температура е околу 1 степен, а максималната дневна ќе достигне до 9 степени.
Во наредните денвои не очекуваат надпросечни темперари. Во вторник ќе имаме постудено утро со утрински температури кои ќе се движат во интервал од -6 до 2 степени, а во текот на денот ќе биде претежно сончево и потопло време со максимални температури од 6 до 14 степени. Во среда претежно сончево со локална облачност и потопло време, утринските температури од -3 до 5 степени, а максималните од 8 до 16 степени. Во четврток и петок сончево и топло време со температури кои ќе бидат високо над просекот за овој период и ќе се движат во интервал од 10 до 18 односно од 11 до 19 степени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
