Францускиот првак Пари Сен Жермен планира нов обид за ангажман на Лионел Меси, тврдат медиумите во оваа земја. Аргентинецот се уште нема потпишано продолжување на договорот со Барселона, и се додека тоа не се случи другите клубови имаат право да се надеваат дека можеби и ќе се премисли и ќе го напушти „Камп Ноу“. Секако, ова е и провокација пред меѓусебниот дуел во Лигата на шампионите.
Финансиите не се проблем за челниците на ПСЖ, па „светците“ се подготвени да ја платат отштетната клаузула во договорот, но и на Лионел Меси да му понудат годишна плата од 30 милиони евра.
Меси, секако, преговара и со Барселона за продолжување на договорот и секогаш напоменува дека негов приоритет е да остане на „Камп Ноу“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
