Арсен Венгер ќе го седне на клупата за резервни играчи голманот Петер Чех на натпреварот против Хал за време на викендот. 34-годишниот голман направи груба грешка во дербито против Челси, па тоа може да биде само една од причините што Чехот ја загуби сигурноста меѓу стативите на Арсенал.
Давид Оспина ќе застане на голот на Арсенал, а веројатно и против Баерн во Лигата на шампионите. Дали оваа одлука ќе биде моментално решение или одлука со која ќе се смени хиерархијата на голот на „топџиите“ ќе покаже периодот кој доаѓа.
Чех во Арсенал дојде од Челси како еден од адутите по 13 години клубот од северен Лондон да ја освои титулата во Премиер-лигата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
