„Скопје 2014“ ги подели Македонците, повеќето пак веруваат во владините роуд – шоуа

Околу половина од испитаните македонски граѓани го поддржуваат проектот „Скопје 2014″, речиси подеднакво христијаните и муслиманите му веруваат на својот верски лидер, а висока е поддршката од за владините роуд шоуа,  покажа последната анкета на Институтот „Димитрија Чуповски”.

48,6 отсто од Македонците и 32,3% отсто од Албанците се изјасниле за поддршка на проектот Скопје 2014. Вкупно поддршка има кај 45 отсто од испитаните. Речиси исто толку или 44.8 отсто не го поддржуваат проектот.

И Македонците и Албанците, но и припадниците на други етнички групи сметаат дека се оправдани, односно даваат резултати, роад-шоуата на Владата за привлекување на странски инвестиции.

Така, за овие роуд шоуа гласале 59,8 отсто од Македонците, 51 отсто од Албанците, а вкупно поддршка изразиле 57,8 отсто од испитаниците.

Дека раководството на МПЦ (ИВЗ за муслимани) ја исполнува својата мисија кон христијаните (муслиманите) во земјата сметаат 50 отсто од христијаните и 49 отсто од муслиманите.

На поглаварот на МПЦ (ИВЗ за муслимани) му веруваат 43,2 христијани и 44,6 отсто муслимани.

Дека тој е чесен човек (за христијани поглаварот на МПЦ за муслимани на ИВЗ) сметаат 39 отсто од христијаните и 45,2 отсто од муслиманите.

Позитивно мислење за верскиот водач имаат 48,8 отсто од христијаните и 49 отсто од муслиманите.

Ова е третиот дел од телефонското истражување, спроведено помеѓу 17 и 21 мај 2013 година, на 1050 испитаници, од Институтот „Димитрија Чуповски”.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.