Во Косовска Митровица денеска почна отстранувањето на потпорниот ѕид, што, според планот на уредување, ќе биде заменет со нова конструкција.
Новата конструкција треба да биде вовлечена два метра кон внатрешноста на пешачката зона, а нејзината изградба треба да почне во вторник, на 7 февруари.
До градежните работи во близина на мостот на Ибар, во Косовска Митровица, доаѓа по договорот што вчера беше постигнат во Приштина меѓу претставници на оваа општина и косовската Влада, а со посредничка улога на ЕУ и амбасадата на САД во Приштина.
Градоначалникот на Северна Митровица, Горан Ракиќ, вчера изјави дека место потпорниот ѕид ќе биде изградена конструкција што ќе биде вовлечена два метра кон шеталиштето и дека таа во суштина ќе биде безбедносна мерка за возилата да не можат да влегуваат на шеталиштето.
Пристапот до шеталиштето, кога се во прашње возилата, ќе биде овозможен единствено за возилата на итната помош, на полицијата и на протовпожарната служба.
Голем број новинарски екипи го следи овој настан, а во близина на мостот се видени засилени полициски патроли, додека војниците на КФОР стандардно се наоѓаат на статичниот пункт.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
