Полицијата поднесе кривична пријава против 40-годишниот С.Ѓ. од охридското село Велгошти, како одговорен за случајот со повредувањето малолетно лице на депонијата „Буково“, што се наоѓа на половина пат меѓу Охрид и Ресен.
Според спроведената полициска истрага, несаканиот настан се случил на 2 февруари околу 13 часот, при сеча на дрво во депонијата „Буково“ со која стопанисува Јавното претпријатие „Охридски комуналец“.
Пријавениот С.Ѓ. вработен како чувар во депонијата, сечел бука со висина од 15 метри, во чија непосредна близина имало поставен шатор во кој заедно со неговиот татко престојувал малолетникот, роден 2005 година во Битола. Исеченото стебло паднало врз шаторот во кој бил малолетникот, нанесувајќи му тешки повреди на главата. Повредениот со возило на Службата за итна медицинска помош од Ресен бил пренесен во болницата во Битола, но поради сериозноста на повредите, подоцна е префрлен во Клинички центар – Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
