Северина и Игор сослушани во полиција по пријава на Поповиќ (ФОТО)

Милан Поповиќ поднесе кривична пријава против Северина и нејзиниот сопруг поради фотографија на малиот Александар која Игор ја поставил на социјалните мрежи. Станува збор за фотографија на која петгодишниот син на Милан и на Северина е без облека.

Четириесет и четиригодишната пејачка и Којиќ (29) се сослушани денес во Управата на криминалистичката полиција во Нов Белград, по пријавата од поранешниот сопруг, пишува српски „Телеграф“.

Поповиќ пред неколку дена во едно интервју ги објасни своите прилини за поднесените тужби и пријави против Северина и Игор Којиќ.

– Мислам дека бројот на тужби не е важен, во ваквите процеси тужбите и пријавите од двете страни се нормална работа. Битно е да се спомене дека моите тужби се насочени исклучиво за заштита на Александар и за тоа да му се овозможи растење покрај двата родители. Тужбите од страната на Северина се наменети кон тоа јас да бидам казнет и од мене да направи криминалец – изјави тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.