Градежните работи за реализација на втората фаза од изградбата на плоштадот „Скендербег“ се пролонгираа и новите најави од Општина Чаир се дека треба да завршат до мај годинава. Изместувањето на роковите било причина да се потпише нов анекс-договор, кој, како што тврдат надлежните, нема дополнителни финансиски оптоварувања. Целокупната финансиска конструкција за комплетниот изглед на плоштадот беше предвидено дека ќе изнесува 10 милиони евра.
Првата фаза од плоштадот се реализираше во делот над угостителските објекти на влезот од Чаршијата, а по завршувањето на втората и премостувањето на булеварот, освен поврзување на Чаир со Центар ќе се добијат и нови приближно 8.000 квадрати површина. Градежните зафати на плоштадот ги изведува „Бауер БГ“. Основниот проект го изработи скопското друштво за градежништво „Урбан стил инженеринг“.
Надлежните имаат неколку оправдувања зашто втората фаза не заврши до Нова година, а едно од нив се временските услови. Штом ќе заврши втората фаза, ќе започне изградбата на подземниот паркинг со јавно-приватно партнерство. Од Чаир информираат дека за подземното паркирање веќе е изработена и студијата за економска оправданост, на која е потпишана фирмата „Таргет-комуникации“.
извор: Скопјеинфо.мк
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Нехигиената стана атракција во Прилеп: Дали странски туристи со кофи ловат жаби во прилепските фонтани? (галерија)
-
Некогаш беше атракција, денес фонтаната на плоштадот во Скопје е целосно уништена
-
Од Александар Македонски на Плоштад веќе нема да се слуша музика
-
Малолетник ограбен на фонтана во Парк: Му ја земале јакната и 200 денари
