Јамајканскиот атлетичар Јусеин Болт се огласи по одземањето на златниот медал на штафетата на Јамајка од Олимписките игри пред осум и пол години, поради позитивниот допинг тест на Неста Картер. Така, иако не е виновен, Болт, како и Асафа Пауел и Мајкл Фрејтер ќе ги вратат златата.
– Срцето ми плаче, многу сум разочаран, но, за жал, вакви работи се случуваат во животот. Ми рекоа да го вратам златниот медал и ќе го направам тоа – изјави Болт.
Олимпискиот комитет на Јамајка и правниот тим на Неста Картер најавија жалба, но шансите таа да им биде прифатена се минимални. Штафетата на Тринидад и Тобаго сега ќе го освои златото, среброто е за Јапонците, а бронзата оди кај Бразилците.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
