УЈП го продолжи рокот за пријавување ДДВ и персонален данок

Поради проблеми со серверот Управата за јавни приходи го продолжи рокот за пријавување на ДДВ до први февруари 2017 година.

„Согласно Законот за даночна постапка, во услови на масовно, а отежнато поднесување на даночни пријави и извештаи преку системот е-даноци, се известуваат даночните обврзници и сметководителите дека роковите за поднесување на ДДВ-04 пријавата и Годишните даночни извештаи се продолжуваат, и тоа:
за ДДВ-04 пријава, крајниот рок за поднесување 25.1.2017 година се продолжува за 5 работни дена, односно крајниот рок за поднесување на ДДВ-пријавите ќе се смета 1.2.2017 година.
За Годишните извештаи (обрасци ПДД-ГИ/ОЗП, ПДД-ГИ/ОЦО, ПДД/ГИ-ЗП, ПДД-ГИ), крајниот рок за поднесување 31.1.2017 година се продолжува за 5 работни дена, односно крајниот рок за поднесување на Годишните извештаи ќе се смета 7.2.2017 година“, се наведува во соопштението на УЈП.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.