СП во Франција: Словенија, Шпанија и Франција и се приклучија на Норвешка во четвртфиналето

Франција лесно со 31-25 го победи Исланд, очекувана победа славеше и Словенија над Русија со 32-26, а Шпанија се изнамачи со Бразил победувајќи со 28-27 во останатите осмофинални натпревари на Светското првенство во ракомет за мажи кое се одржува во Франција.

Претходно Норвешка ја елиминираше Македонија и се пласираше меѓу најдобрите осум на Мундијалот во Фрацнија.

Пред рекордни 28.010 гледачи на стадионот на Лил, Франција ја оправда улогата на фаворит совладувајќи го Исланд со 31:25.

Шпанија многу потешко од очекувањата го победи Бразил, славеше со 28:27. Во финишот од мечот Бразил имаше водство од 26-25, но Шпанија успеа да го сврти резултатот во последните минути и да дојде до победа.

Словенија со 32-26 ја совлада Русија. Цингесар со шест голови беше најефикасен кај Словенците.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.