Положувајќи ја заклетвата пред конгресната зграда на Капитол Хил Доналд Џон Трамп и официјално стана 45. претседател на Соединетите Американски Држави.
Првите честитки ги прими од неговата сопруга и неговите деца, како и сега поранешниот претседател Барак Обама, кому Трамп му се заблагодари за одличниот однос за време на транзицијата.
Трамп ги поздрави присутните поранешни претседатели присутни на инаугурацијата, а потоа и целиот свет.
- Почнува нова ера, кога моќта ќе се врати во рацете на народот – порача новиот американски претседател.
PHOTO: Donald Trump takes the presidential oath of office to become the 45th president of the United States. #Inauguration pic.twitter.com/cUnP28iMhT
— AP Politics (@AP_Politics) January 20, 2017
Претходно заклетва положи и потпретседателот Мајк Пенс.
Трамп беше претседателски кандидат на Републиканската партија на изборите на 8 ноември 2016 година. Претходно во два мандата функцијата шеф на државата ја извршуваше Барак Обама од Демократската партија.
На претседателските избори одржани во ноември минатата година, Трамп ја победи кандидатката на Демократската партија Хилари Клинтон со мнозинство електорски гласови, иако Клинтон доби речиси три милиони повеќе гласови од граѓаните. Тоа е петти таков случај во историјата на САД.
Трамп е највозрасна личност која стапила на функцијата претседател на САД и прв без претходно искуство во американската влада или армија.
Списанието „Форбс“ во 2016 година го постави Трамп на 324 место на најбогати луѓе во светот со проценка за неговото богатство од 4,5 милијарди долари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
