Младинскиот културен центар по повод Роденденот на уметноста, кој го прославува во изминатите шест години, денеска ќе отвори продавница за дискови, книги, ракотворби под името „АПоТЕКА“.
Модерно опремената продавница каде што ќе може да се купат предмети од културата и уметноста се простира на околу 50 квадратни метри и се наоѓа веднаш до инфопултот на влезот во МКЦ.
– Во „АПоТЕКА“ ќе се снабдите и наимате со сè што нема да го пронајдете во „светилиштата“, популарните „молови“: плоча, диск, книга, ракотворба, велосипед, облека… Или: сите намирници од уметноста и културата неопходни за „преживување“, без рецепти. Своја нова адреса ќе најде и легендарната скопска продавница за плочи Maximum Rock’n’Roll – информира МКЦ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
