Според многу родители бабите и дедовците се главните „виновници“ зошто нивните деца се разгалени.
Сепак, едно истражување од универзитетот „Јанг“ во САД покажало мошне интересен резултат токму кога е во прашање улогата на бабите и дедовците во воспитувањето на децата.
Научниците го следеле развојот на 400 деца од училишна возраст меѓу 10 и 14 години. Темата била каков е нивниот однос со бабите и дедовците.
Една година подоцна, истите ученици повторно биле испитувани, но овој пат списокот на прашања бил проширен.
Одговорите кои ги добиле покажале дека блискиот однос со бабите и дедовците има позитивен ефект врз однесувањето на децата, правејќи ги многу погрижливи и повнимателни кон другите.
Од друга страна, децата во чие воспитување не учествувале бабите и дедовците биле значително по нељубезни и безобѕирни.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
