Во рамки на џез-програмата „Show Room“ во „Јавна соба“ на 14 јануари ќе настапи еден од најпознатите џез-бендови од регионот, „Милан Петровиќ квартет“.
Милан Петровиќ е пијанист, композитор и текстописец, но музичката кариера и популарноста ја базира на настапи по целиот регион со својот квартет. Во 2012 се појави авторскиот албум „Excursion“, кој е изработен во соработка со 38 најпознати џез и блуз музичари од Европа (Васил Хаџиманов, Душан Безуха, Wikluh Sky, Raw Hide, Blue Family и многу други) и за кој добива одлични критики на повеќе музички портали, меѓу кои и Popboks.
Во „Јавна соба“ на 14 јануари со почеток во 21:30 часот ќе го претстават „Dates“, нивниот последен албум издаден во 2016 година, но и ќе ги изведат и своите хитови кои ѝ се одлично познати на македонската публика.
Уредник на програмата „Show Room“ е Марко Василевски, а продукцијата е на „Јавна соба“, која ги отвора вратите за сите социјално иновативни проекти. „Show Room“ e отворена музичка програма, концерти во живо, со содржини креирани од музичарите од македонската и регионалната џез-сцена, која има за цел да го претстави музички потенцијал преку индивидуална интерпретација на стилови, концепти и артисти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
