Македонскиот фудбалски репрезентативец Езгијан Алиоски и член на Лугано е номиниран во изборот за идеалниот тим во Првата фудбалска лига на Швајцарија за изминатата година.
И самата номинација е големо признание за нашиот интернационалец кој имаше година за памтење во која доживеја огромна трансформација. Од десен бек беше прекомандуван во нападот каде што немилосрадно ги решетеше противничките мрежи.
Алиоски во моментов по првиот дел од тековниот шампионат во Швајцарија е прв стрелец на Лугано со 9 гола, а воедно трет голгетер во Првата лига. Идеалниот тим, односно дали Алиоски ќе се најде во него ќе биде познато на 30. јануари кога ќе бидат објавени резултатите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
