Во последните два дена во Полска десет лица починаа од студ, а во Истанбул е прекинат воздушниот и водниот сообраќај.
Според полскиот Центар за безбедност, прво биле пријавени седуммина починати поради замрзнување, а подоцна се регистрирани уште три лица. Вкупниот број на жртви кои починале од хипотермија од 1 ноември досега достигна 53 лица.
Студениот бран доведе и до смрзнување на одредени региони, а температурата се спуштила и до минус 14 степени.
Во Турција снежните врнежи го блокираа Истанбул, околу 500 авионски летови се откажани поради лошите временски услови, а во прекин е и водниот сообраќај.
Во текот на ноќта снежната покривка во Истанбул достигна до 40 сантиметри и предизвика хаос на патиштата поради граѓаните кои сакале да заминат од градот за време на викендот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
