Спасен животот на премрзнат човек во Делчево

Премрзнат човек најден во месноста Брежјето во Делчево е спасен благодарение на брзата интеревенција на Итната медицинка служба.

Според информацијата од делчевската Итна медицинска служба станува збор за 57-годишен жител на Делчево кој пред неколку часа отишол да ја нахрани стоката и не се вратил дома, а најблиските го нашле паднат во вода, целиот воден и премрзнат и во бесознание, во близина на шталата.

Д-р Гоце Стојменовски, раководител на Итната медицинска служба во Делчево информира дека екипата на Итната медицинска служба во Делчево реагирала брзо, на лицето му е дадена терапија за реанимација и на инсистирање на семејството лицето не е хостпитализирано, но засега е во стабилна состојба, иако не се исклучуваат последици од премзрнување. За случајот е известена и делчевската полиција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.