Полицијата се сомнева дека грчкиот амбасадор во Бразил го убиле неговата сопруга и нејзиниот љубовник полицаец, пренесува телевизијата Глобо, повикувајќи се на политички извори.
Полицијата потврдила дека телото пронајдено во изгорениот автомобил е на грчкиот амбасадор Кјиријакос Амиридис, кој исчезнал пред три дена, кога од Бразилија тргнал да ги прослави новогодишните празници на Копакабана, пренесува Ројтерс.
Полициските инспектори за Глобо рекле дека веруваат дека сопругата на Амиридис, Франсоаз, и полицаецот Сержо Мореира биле нарачатели, а можеби и извршители на убиството во куќата во која амбасадорот и неговата сопруга ги минувале деновите во предградието на северен Рио.
Κυριάκος Αμοιρίδης: Η «γυναίκα αράχνη» κι ο εραστής της! – https://t.co/SbgMwXkJMe – pic.twitter.com/UyXMuaGJ6i
— FOX 6 (@fox6gr) December 30, 2016
Сопругата и нејзиниот љубовник биле приведени на сослушување, но не е познато дали побарале адвокати.
Грчката амбасада во Бразил одбила да коментира, како и полицијата и грчките службеници кои не сакале да ги коментираат наводите на телевизијата Глобо.
Brazil police believe body found in Rio is missing Greek ambassador https://t.co/DbtdT9tdkz pic.twitter.com/Oe2GaTRHWP
— Press TV (@PressTV) December 30, 2016
Таа телевизија наведува дека во притвор се наоѓаат уште две осомничени лица, но тие не се идентификувани. Полицијата претходно навела дека е малку веројатно дека грчкиот амбасадор бил киднапиран, бидејќи никој на барал откуп.
Во Рио степенот на криминалитет е многу висок и насилните инциденти се чести, посебно во периодот помеѓу Божиќ и Нова година, кога илјадници туристи го посетуваат градот.
Κυριάκος Αμοιρίδης: Άγριος καβγάς και βιαιοπραγίες οι αφορμές για την μαφιόζικη δολοφονία; https://t.co/pcJDrJSRYx pic.twitter.com/9763AkNE1x
— NewsIt (@NewsItFeed) December 30, 2016
Амиридис бил поставен за амбасадор во Бразил оваа година. Од 2001. до 2004. година бил генерален конзул на Грција во Рио. Бил амбасадор во Либија од 2012. до 2016. година. Оженет е и има 10-годишна ќерка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
