Полицијата во Рио де Жанеиро пронајде труп во изгорен автомобил, за кој се сомневаат дека е на грчкиот амбасадор во Бразил, кој исчезна пред три дена.
Киријакос Амиридис (59) го изнајмил тој автомобил, а пред три дена од Бразилија тргнал да ги прослави новогодишните празници на Копакабана, по што му се губи трага.
Последен пат е виден во предградие на Рио, каде е пронајдено и неговото возило.
Embajador de Grecia en Brasil desaparecido en Río de Janeiro: El embajador de Grecia en Brasil, Kyriakos Amiridis,… https://t.co/3AdKXeRm7J pic.twitter.com/3LUbgU3O7f
— Red Nicaragua 505 (@RedNicaragua) December 29, 2016
Во тек е утврдување на идентитетот на пронајденото тело, пренесува „Би-Би-Си“.
Според изјавите на полицијата, мала е веројатноста грчкиот амбасадор да бил киднапиран, бидејќи не бил побаран откуп.
Степенот на криминал во Рио е висок, а насилните инциденти се чести, посебно во периодот меѓу Божик и Нова година кога стотици илјади туристи го посетуваат градот.
Амиридис бил поставен за амбасадор во Бразил оваа година, а од 2001 до 2004 година бил генерален конзул на Грција во Рио.
Тој беше и амбасадор во Либија од 2012 до 2016 година. Оженет е и има една ќерка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
