Кога е вистинското време да почнете да живеете со вашиот партнер? Истражувањето што е спроведено на 168 луѓе покажало дека најсреќни се двојките што се венчале по 25 месеци врска. Но, на среќниот брак влијаат уште некои работи…
Новото истражување покажало дека тие жени што имаат стабилен брак, пред венчавката биле со партнерот во врска во просек околу две и пол години. Долгите врски пред венчавката се добри бидејќи двојката има шанса подобро да се запознае и да помине низ некои работи што ги очекуваат подоцна во бракот.
Тоа што е многу важно за надминување на конфликтните ситуации е успешната комуникација.
Меѓутоа, иако постојат факти што укажуваат дека 25 месеци врска се доволни за да се запознае партнерот и доволни за да решите да живеете со него или да се венчате, сепак на тоа можат да влијаат и индивидуални фактори. Ова време е само некоја средна граница која ќе ви даде можност да го запознаете партнерот малку подобро.
Неопходно е и пред бракот да разговарате за важните прашања што се однесуваат на деца, религија, домашни миленичиња, начинот на живот, а најважно е дали се чувствувате среќно кога сте заедно.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
