Почетокот на сезоната за тенис во 2017 година е тука, а веќе се шират новости.
Ана Ивановиќ на Твитер најави дека „ќе сподели нешто важно со нас, во живо“.
Објавата ќе ја направи на својот Фејсбук профил во точно 18 часот по британско време или во 19 часот по македонско.
My dear fans & supporters. Pls tune in to my Facebook page tomorrow at 6pm UK time, where I’ll be sharing something important with you live. pic.twitter.com/qRwf16kw4a
— Ana Ivanovic (@AnaIvanovic) December 27, 2016
„Драги мои пријатели и поддржувачи. Вклучете се на мојот Фејсбук профил утре во 18 часот по британско време, имам нешто многу важно да споделам со вас. Погледнете го моето видео во живо. Се гледаме утре!“ – напишала таа на својот Фејсбук профил.
Па, што ќе биде најавата? Многумина започнаа да шпекулираат дека е бремена и дека заедно со нејзиниот сопруг Бастијан Швајнштајгер го очекуваат своето прво дете.
Според Хозе Моргадо, тениски новинар од Португалија, Ивановиќ се откажала од „ASB Classic“ кој се одржува во Окленд од 2 до 7 јануари.
Сепак, ако станува збор за предвремено пензионирање би било на големо изненадување на сите со оглед на тоа што Ивановиќ има само 29 години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
