Американскиот претседател во заминување Барак Обама тврди дека би го добил и третиот мандат за Белата куќа и смета дека нацијата и натаму во голема мерка ја прифаќа неговата политичка визија.
Според американскиот Устав, претседателот на оваа функција може да биде само во два четиригодишни мандати.
Обама, кој за околу три недели ќе го заврши својот втор мандат, ова го изјави во една емисија во продукција на Си-Ен-Ен и Универзитетот во Чикаго.
Тој вели дека верува дека американската јавност и натаму ја поддржува неговата напредна визија, иако Американците во ноември годинава гласааа за Доналд Трамп, човекот кој застапува целосно спротивни политички ставови.
Обама, исто така, е горд за напредокот што е постигнат за време на неговите два мандата, благодарејќи на „американскиот дух“, посебно забележлив меѓу помладите генерации.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
