Натрапник го фотографирал Шумахер и сега бара еден милион евра

Германското јавно обвинителство почна истрага против засега непознато лице кое нуди фотографија од болниот Михаел Шумахер.

Наводно, лицето успеало некако да го фотографира поранешниот светски првак во Формула 1 и сега фотографијата ја нуди на таблоидите за еден милион евра. Иако јавно не е објавена, на неа, наводно, се гледа како Шумахер лежи во болнички кревет, а фотографиран е од непосредна близина. Уште не се знае дали фотографијата е нова или датира од периодот по повредата од која наскоро ќе наврши и третата година.

-Здравствената состојба на Михаел не е јавна работа. Сакаме да ја почитуваме неговата приватност на што тој има право и тоа е се што сакам да кажам за овој случај- изјави менаџерката на Шумахер, Сабине Кем.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.